Grüetzi mitenand.

Min Name isch Nadia Negro, i ben Ernährigstherapeutin, verstoh bitz was vo medizin und gsundheit und vor allem ben ich Mami vo zwoi Meitli. 

Und ganz offesichtlich, heisst für mich Gsundheit öppis ganz anderes als für eusi Regierig. 

Sit es paar Woche chönnte mini Meitli met em Bus und em Zug uf Aarau fahre und sich ohni mini Aweseheit impfe lah. Kei anderi medizinischi Massnahm chöne oder dörfe mini Chind im Alter vo 12 und 14i sälber entscheide. Werom die? Do gönd bi mir alli Alarmglocke a.

Uf d Nochfrog was me de dene Chind seit wenns is Impfzentrum ine lauffed hets gheisse da wöss me au ned so gnau. De Zueständigi vom Kanton Aargau seit zu mir am telefon: wössed sie, dasch chli wie im wilde Weste, jede machts andersch. Was d Medizin de eltere und de Chind aber müsst säge wär folgendes: die impfig isch a dere Altersgruppe DRÜ Mönet testet worde. Mer hend kei Ahnig was passiert. Mer wössed aber, dass nach 18 Monet Corona, d Chind ned gfördet sind, ned seriös krank werded und au ned stärbed, Nei. Eusi Chinderpsychiatrie sind voller als jede IPS. 

Nonie ide Gschicht vo de Medizin het me en medizinischi Massnahm metere temporäre Zuelassig duregführt inere Altersgruppe wo kei Notfall het. Informed consent isch ned nur es schlagwort, es isch überläbenswichtig. 

Liebi Eltere – eusi Chind hend kei Lobby. Aber Sie hend eus. Und für eus isches Ziit zum d Schnorre uftue und here stoh. Au ide schuele. Eusi schuele hend en bildigsuftrag – wer wenn goht go impfe goht kei lehrperson öppis a. Da döfte eusi Chind ned emol gfrogt werde wenns ines klassezimmer ine laufed. Lueged here. Säged öppis. Je meh druck vo eus, desto meh rüttlets am system. Weni am kanton alüte, hets am afang ame no gheisse: sie sind die einzig wo alütet – d Chind möched so guet mit, d maske schiint kes Problem. Aber scho damals, vor eme Jahr isch mer gseit worde dass die schuelpsychologsche Dienste überlastet sind. Sie wössid nümme wenn no schaffe. So vell z tue hends. Weni jetzt am Kanton alüte heisst immerhin scho: jo vo dene Problem hemmer scho vermehrt gehört. 

S het uf jedem Zettel woner vo de Schuele bechömed en telifonnummere. Die send alli vom kantonale gsundheitsdepartament – lütet dene a und stelled frage. Aber Achtung. Es isch en vollziit Job. 

S isch wichtig das mer alli verstönd dass das wo mer jetzt mached – oder ebe ned mached en riise Ifluss het uf d zuekunft vo eusne chind. Und jo, Es wär vell weniger asträngend jetzt de bättel here zrüehre und ufzgeh. Wells jetzt eifacher wär. So velech för 2 woche – so herbstferielang. Aber um wele priis? met was für konsequenze ide zuekunft??? Eusi chind hend es rächt uf bildig und richtigi gsundheit – ned die politisierti gsundheit wo nüt met wörklicher gsundheit z tue het. Eusi System mühend au endlich mol verstoh dass mer die emotionali Gesundheit ned vo de physische chan trenne. Da hanget alles zäme. immer. Und eusi Chind hend gnue mitgmacht. 2 Jahr im alter vo eme 12 jährige Chind isch verdammt lang. 

Verzelled jedi Gschicht wo euchi Chind hei bringed. Alli lüt müend wüsse was abgoht. 

D Ziit zum ruhig sii isch verbii. Verzelled wener ungerechtigkeiten gsänd, setzted euch ii und lueged ned eifach zue. Tüend euch zäme und stärked enand. 

I be secher mer stönd uf de rechtige siite vo de gschicht. Ich hoffe vo ganzem härze das all dene junge mensche wo jetzt vor luuter druck und verzwiflig gönd go impfe nüt passiert. Wörkli. Aber vergässed alli bitte nie; Mamis, Papis, Chinder…. Gross und no chli. ‚Nein.’ isch en vollständige Satz. Und da goht immer no. 

Und zum Schluss no es Danke das ihr alli do sind, es tuet scho cheibe guet weme weis dasme ned elei isch. Und i hoffe es chöned alli öppis vo dem tag mitneh damits i ihrem umfeld im alltag öperem wos brucht chöne de rügge stärke. 

Ein Satz woni nie wett ghöre:

Mami, werom hesch dazumal nüt gmacht? 

Photo by Andreas Wohlfahrt on Pexels.com

Dies war mein Text vom 18.09.2021 in Winterthur. #holdtheline

herzlich, Nadia

2 Kommentare zu „

  1. Liebe Nadia

    Super Biitrag, danke viel mal👍🤗

    Isch scho komisch die Wält im Moment….
    Drumm tuets amig guet vo gliichgsinnte z’ghöre.
    Bliib gsund und munter.

    Liebi Grüess
    Nicole (Fründin vo de Michèle Müller)

    Von meinem/meiner Galaxy gesendet

    Gefällt 1 Person

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s

%d Bloggern gefällt das: